ایندیکی چاتدیم آلتمیشا…؟!
مین اوچیوز ایرمی یئددیده گلدیم بو دونیایا
گلدیم اوْلام عؤمور بوْیو طنزایله همسایا
حتماً بوْروکراسی آز ایمیش من گلهن زمان
چون صبح اوْلدو، چکمه دی ایشلر گوناوْرتایا
مندهن قاباقکی قارداشیم اؤلموشدو اوّل ایل
نؤوبت منه چاتاندا، قوْیوب عزراییل مایا
چون افتخارلی اؤلکهده دوْغموش آنام منی
دایم ایشیم گیر اوْلدو، باشیم دوشدو غوْوغایا
«کمبوجیه» گئدیب، اؤکوز اؤلدوردو مصرده
یوزمینده قامچی ووردو «خشایارشا» دریایا
آنجاقکی، منده چون یوْخایدی عقلایله شعور
وئردیم بؤیوکلرین باشا- باش زحمتین ضایا
اوْنلار خزانهلر تالاییب، اؤلکهلر آلیب
من ائتمیشم کاغیذ- قلمی الده سرمایا
اوْنلار قوْشون چکیب، دؤیوشوب شرق- غربایله
من ناخلف دهگیرمی شم اوْنلارلا دعوایا
«آدم» بابام بهشتی ایکی بوغدایا ساتیب
منده بو دونیانی ساتیرام ایندی آرپایا
القصّه، گلمیشم بئله دؤوراندا کئف چکهم
الده قاشیق، هجوم گتیرهم گونده شوْربایا
وارسیل یئیهنده خاویاری، طاووسون دؤشون
منده ائدهم قوْناق اؤزومو بیر یومورتایا
گلدیمکی طنزایله اوْیادام خلقی اویقودان
تا اویمویا داها کلکه، رنگه، حوْققایا
گلدیم ریاکارین آچام اوْوجون بو دونیادا
بیر ایش گؤرهمکی، تیخدیغی بال دؤنسون ازوایا
حق چون آجییدی، قاتدیم اوْنو دادلی طنزایله
درمان اوچون، اوْ زنجفیلی بوکدوم حلوایا
اکدیم گولوش گولون دوْداغیندا بو ائللرین
ائلده اوْ قدر لُطف ائلهییب، گلمهز هئچ سایا
تورک «آرش» اوْلدوم، آتدیغیم اوْخ دگدی دوز خالا
هئچ یانمازام جانیم اوْلا قوربان بو سئودایا
برجسب : | ايميل: news@.ir | شماره پيامک:000 |
|
- بررسی طرح ویژه حفاظت و احیای بافت تاریخی تبریز
- قطار تهران- آنکارا به سفرهای عید میرسد
- عمارت ساعت، ایستگاه آخر شورای شهر تبریز
- ارائه طرح نوسازی تراکتورهای فرسوده در لایحه بودجه سال آینده
- مردمیسازی مدیریت؛ روایت استاندار آذربایجان شرقی از تجربه امنیت، اقتصاد و عمران
- مسیر توسعه تبریز و آذربایجان از مسیر فرهیختگان این مرز و بوم میگذرد
- سرمایهگذاری مردمی، پیشران امنیت غذایی و آینده اقتصادی ایران است
- تسهیلات، آموزش و نظارت؛ مثلث اشتغالزایی در آذربایجانشرقی
- افتتاح طرحهای زیست محیطی کارخانه سیمان صوفیان در آذربایجانشرقی
- روز متفاوت بلندقامتان آذربایجان؛
- حضور استاندار در بازار؛ سه گام برای رونق اقتصاد آذربایجانشرقی
- دانشجویان بازداشتی دانشگاه تبریز نگران شرکت در امتحانات پایان ترم نباشند
- گروه هفت نفره منافقین در تبریز شناسایی و دستگیر شدند
- مس سونگون در مسیر توسعه و آرامش قرار گرفته است
- زندهنامان؛ آیینی برای قدرشناسی و پاسداشت دانایی





