می‌دانیم که زندگی آرش پر مشقت و ملال بود، عدم توازن دخل و خرج، اخراج، تهدید، بلاتکلیفی، سرفه‌های بی امان، گرفتاری‌های درونی و ناگفتنی و… هر تک تک گرفتاری‌های مذکور کافی است که افکار آدمی را پریشان نماید و عذری برای طفره رفتنش از فعالیت سیاسی، مدنی، اجتماعی و ادبی او شود آرش گرفتاری‌ها را به ضد خود تبدیل کرد و از آنها انگیزه بیشتر ساخت تا در خدمت خلق، مدنیت، ادبیات و طنز باشد.
هیچ گرفتاری اگر نبود جز سرفه‌های جانکاهی که اواخر عمر ول کن نبود، انسان معمولی را بستر نشین می‌کرد و ازحال و حوصله می‌انداخت،
آرش نوشت تا آخرین نفس و رمق قلم را زمین نگذاشت.
یادش گرامی باد.
برای یادبود، این رفیق، استاد، نویسنده، طنز پرداز و بذله‌گوی بی نظیر، تضمینی از یکی از شعرهای آرش را تقدیم می‌کنم:
شهرک میرزا تیر ۱۳۹۵
تضمین «آرشین» شعریندن
اهل قلمه بسله نیلن حرمته قربان
هم پرده دالیندا قورولان حیلته قربان
اعلالیغا معنادا او علویته قربان
«بختیم کیمی قیردان دا قارا صورته قربان»
«دورد گوشه اولان ان بویو بیر قامته قربان»
اتئمیش او الف قدینی دال حالته قربان
مین فنیله آلدین قلمی شعر یازاندان
وئر خوردونا حاضر لدیگین آشی قازاندان
جانی آلیسان ظنیوه هر بیر یول آزاندان
«شعبان آیی تک مژده وئریرسن رمضاندان»
«بوش معده لره سن گتیرن سوقته قربان»
آزادلیق او چون ژست دوتان اول صولته قربان
چوخ وعده لری یئل گتیمیشدی یئل آپاردی
قازدی قیزیلی قازما آپاردی بئل آپاردی
دوزلوک ماتاهین حیله آپاردی فئل آپاردی
«دورد داملا یاغیشلا نئچه کندی سیل آپاردی»
«گویدن یئره بو نازل اولان رحمته قربان»
تزویر و ریا آدلی بو، پول نعمته قربان
ایپ قیسّادی دول خیر داجادیر سویو درین ده
سن چال چاپ آپار السیز آیاقسیز اُمه یین ده
و ورشاققالاییخ قول بوداغین دا تملین ده
«چون کنترل اولمور بو زمان قصاب الین ده»
«آی گون دئمیرم دیقه ده قالخان أته قربان»
تالان اولونان فوته گئدن فرصته قربان
نعمت لری یئردن گؤتوروب توللاییر عرشه
یئر اهلی نین حقین آپاریب پایلاییر عرشه
بیچاره یازیق دردینی بیر بیر ساییر عرشه
«قیمت لریمیز جت کیمی سونجوقلاییر عرشه»
«تنبل لیک ایچینده بوقدر سرعته قربان»
عرش ایچره او جالمیش اوشانا شوکته قربان
بو نقش پوزولدو تازاسین چکمه‌ لی اولدوخ
اوچدو آلاچیق بیر یئنی ائو تیکمه لی اولدوخ
زای چیخدی حاصیل آیری اکین اکمه لی اولدوخ
«یایدا قاباغا قیشدا دالا چکمه لی اولدوخ»
«دولتلر او چون قولچاق اولان ساعته قربان»
ملت کیمی اللرده اولان آلته قربان
بعضی لر ائله یاتمادا گویا کی اؤلوبدو
وحشت اوتوروب قورخو اونون جانین آلیبدی
چوخداندی یاراتماق گولو گولزاری سولوبدو
«تولیداتیمیز تکجه پلاستیک توپ اولوبدو»
«بو علمه بو فرهنگه بئله صنعته قربان»
بو فلسفیه حشمته باخ حکمته قربان
علمی هنری بیزدن آلیپ اؤزگه آپاردی
وئردی قمه نادان کیشی یه باشینی یاردی
ویلان دی جوان تسلیمیز حیران دی خماردی
«افغانلی یا ایش وار ولی ایرانلی بئکاردی»
«بیر بئیله ایش ایجاد ائله ین دولته قربان»
پیش بین لیک اولان بئیله گؤزل غایته قربان
اؤز اللریمیزله قویو قازدیق دئمه دیک یوخ
شیطانه قوشولدوق یولو آز دیق دئمه دیک یوخ
بول وار یوخوموزدان الی اوزدوق دئمه دیک یوخ
«سالدیقجا بیزیم پیسره دوزدوک دئمه دیک یوخ»
«غیرت نه دئییم بیزده اولان طاقته قربان»
حریته هر دم یئتیشن آفته قربان
جیب لر بوشالیب سفره چورکسیز برکت سیز
شانس اولماسا چای وئرسه ده چایچی اولوقدسیز
بیر بثیله مثل واردی کی کوفته ایسته ییر ات سیز
«دیللر هامی ساکت دی قلم لر حرکت سیز»
«جانلاریئله آزادلیغا حریته قربان»
بئیله آغایا نوکرینه کلفته قربان
بیر درده دین شیی گتیریب ساتمادی چرچی
هر لحظه تورون دوره میزه قورمادا تورچی
وقتینده خبر وئرمیه جارچکمه دی جارچی
«شهرین گویینده کیفی می چالدی موتورچی»
«تبریز ده اولان بیربئله امنیته قربان»
بو جامعه یه اولکه یه جمعیته قربان
سؤز پهلوانی دیلده بهادر دی ازلدن
فاتح دی قلندردی اونا دردی ازلدن
اود دور دی، باریت دیر اونیشادیر دی ازلدن
«هر موشگو لو حل ائتمه یه قادردی ازلدن»
«ایراندا کی بو چای پولونا رشوته قربان»
بو ایمانا بو باوره بو عصمته قربان
آزدیردی ازل آدمی شیطان جیزیغیندان
صید اولمادادیر چیخسا او جیران جیزیغیندان
آمیرزا آیاق قویمادی بیر آن جیزیغیندان
«آرش سؤزوکس چیخما بالامسان جیزیغیندان»
«آت غیرتی راحت یاشا جان راحته قربان»
کسب ائیله دیگین شهریده کی شهرته قربان