«عزیز دوستوم آقای حمید آرش آزاد محضرینه تقدیم الونموشدو»
بیر کونلو آلولا دولو عاشق دونن آخشام
یاندیردی صینیق قلبیمین آشفته چراغین
فاش ائیله دی سّرین، اول دردنهانین
بیر غنچه دهان ایله گزه‌ن شعر ده هرگون
بیر اسم ایله باش یاسدیقا قویموش گئجه لر هپ. شعرین چاناغین بیرده آلیب الده، سورار کن
کئچمیش سنه لر تک،
مین بیر خیالا، فیکره تصور لره دالدیم
افسوس کی من آنلامادیم عشقی جهاندا
عشق اولسون او عُشّاقه که عشق ایله گزه رلر.
باخدیم،
کئچمیش سنه‌لر تک
هر نئیله دیم عشقه یاناشام اولمادی آخر،
من عشق ایله بیگانه یارانمیشدیم ازلدن.
بیر کونلو آلولا دولو عاشق دونن آخشام
یاندیردی صینیق قلبیمین آشفته چراغین
. گنج ایسه قوجالمیش اوره‌ییم آغلادی آخر،
اودا گیزلین.
کافر اوره‌ییم عشقه اینانسایدی ازلدن
حسرت یوکو چکمزدی بو پوزقون صوور ایله
. عاشیق اوره‌یین قویدو قارانلیقدا گئدیردی
جسمی دولو عشق ایله اوزاقلاشدی سرانجام،
باخدیم:
عشق آبده سیدی او کیچیلدیکجه بؤیوردو،
آردیندا گئدن سایه کی مین آیه داشیردی.
من قالمیشدیم،
او،
گئدیکجه گدیکلردن آشیردی
قاسم ترکان۱۸/۱/۱۳۷۵