هر طنز یازان آرش آزاد اولا بیلمز
هر طنز ده آرش شعری تک داد اولا بیلمز
شاعیر گرک آزاد اولا کی شعر دئیه آزاد
تعریف و ثنا، شاعیری آزاد اولا بیلمز
فرهاد گرکیر شیرینه خاطر قازا داغلار
هر تیشه بدست شیرینه فرهاد اولا بیلمز
آرش ائلینه وورغون ایدی ائل اونا وورغون
ائل آرخا دوران کیمسه ده ایراد اولا بیلمز
اوستا ایدی شعری ادبی یاخشی تانیردی
هر شعر دئین شعر ده اوستاد اولا بیلمز
آرش ده شهامت وار ایدی ظالیمه قارشی
قورخاق بیر آدامدان ائله ایمداد اولا بیلمز
آرش آدی آزاد ایدی هم فیکری ده آزاد
پابند اولان آزادلیغا صییاد اولا بیلمز
نه صید و نه صییاد اولار آزادلیغی خوشلار
صیدق ایله سووار عؤمرونو شیاد اولا بیلمز
آرش اؤزو گتدی آدی دیل لرده قالاندی
مین ایله اؤته آرش آدی بر باد اولا بیلمز
آرش بئجریب اوغلو سیامک کیمی اینسان
آرش دن اولان ناخلف ائولاد اولا بیلمز
گئچمیشده بونو آرش آزاد دان ائشید دیم
آرش (دوزه قول) اؤلکه سینه یاد اولا بیلمز
***
آرش ائلی گولدوردو اؤزو آغلاردی گئتدی
بو گئد مک ایله قلبیمیزی داغلادی گئتدی
طنز ایله دئدی سؤزلرینی سوسمادی هئچوقت
طنزین دادینی ائل لر آرا ساغلادی گئتدی
آلتمیش ایکی ایل عؤمر ائله دی ایفتخار ایله
عؤمرون کیتابین حئیف اولا تئز باغلادی گئتدی
اسفهلانلی حسن حسینپور – دوزه قول
دیدگاهتان را بنویسید