طنز ساحه سینده ادبی انجمن‌لر ماتمه باتدی، ادبیاتیمیزین طنز-سیاسی ساحه سینده ویران ائدیجی حادیثه باش وئردی، مشهور طناز شاعریمیز «حمید آرش آزاد» اوزون خسته‌لیک سورندن سونرا دونیاسین ده‌گیشدی، حق چاغیریشنا لبیک دئدی.
آرش ادبی محفل‌لرین زینتی و طنز مجلس‌لرین دادی-دوزو ایدی. اونون یازدیغی طنز-سیاسی شعرلر، ادبیاتیمیزدا یئنی صحیفه آچمیشدی، افسوس اجلین قاهر الی، بو صحیفه‌نی همیشه لیک قاپادی، ادب پرورلری درین ماتمه چولقادی.
او، بیر عؤمور محرومیت وقایغی ایله یاشادی، لاکین زنگین و استغناءلی طبعی، اونو قدرت صاحب‌لری نین اؤنونده کرنوش ائتمه‌یه و اگیلمه یه رخصت وئرمه دی. آزاد یاشادی، آلنی آچیق بو فانی دونیانی ترک ائتدی.
بو ترک ائتمک اونون آدین روزگارین صحیفه سیندن سیلمه دی چون اونون یازدیغی اثرلر، ادب پرورلرین اوره گینده و خاطیرینده همیشه لیک قالارقی دیر.
حمید آرش ۱۳۲۷ – جی ایلده محتشم و ادب سئوه‌ر تبریز دییاریندا آنادان اولدو بیلیک الده ائتمک او چون، مدرسه یه گئتدی «فوق دیپلم» آلاندان سونرا، بیر مدت معلم لیک وظیفه سینده چالیشدی، و داها سونرا مطبوعات عالمینه اؤز چئویردی، چئشیدلی شعرلر و مقاله‌لر یازماقلا شؤهرت قازاندی، و آز مدت ده بو ریشته ده نظر صاحبی اولدور.
افسوس بو تزه تیکیلن مایاق تئز سؤندو، و همیشه لیک سؤندو.
روحو شاد.
استاد یحیی شیدا – روزنامه مهدآزادی ۳۰/۵/۱۳۸۹
برجسب : | ايميل: news@.ir | شماره پيامک:000 |
|