« رحمتلیک حمیدآرش آزاد ین جولوجولویه قالمادی شعر توپلوسوندان بیر شعرین آزاد ترجومه سی »
هامی نین حالی اولور زار و پریشان سنه نه !
ایشلری چوخ دا اولوب بی سر و سامان سنه نه!
یوزدن آرتیق غزئتی توقوف ائدیبلر نه ائده ک؟
یازیچی ، شاعیره ده کسدیله زیندان سنه نه!
باش رئیسلر هامی سی پستو لار ایچره سیخیلیب
قاپی آغزیندا دوروبدو نئچه دربان سنه نه !
آفتافا اوغروســـونا وئرمه لی ییق بوللو جزا
دولانیر راحت و آسوده بو دزدان سنه نه !
ظاهیری دوزدو اولوبدور ائله سلمان سایاغی
باطینَن درس آلیر اوندان نئچه شئیطان سنه نه !
دوزدو کی قبرین آشیب قیمتی هر بیر نه چی دن
وجهینه اینسان اولوبدور بئلـه ارزان سنه نه !
تیریاکی ، بنگی ، حشیشی تؤکولوبدور کوچه یه
قده غان ائیله دیلر قهوه ده قلیــان سنه نه !
شاعیرین یازدیغی جانان نئجه گؤر گؤرمه لی دیر
چنه سینده واری دیر چاه زنخدان سنه نه !
هر شئیین نیرخینا گونده گلیری یوزده اوتوز
آد قویوبدور اؤزونه او حاجی ارزان سنه نه !
حاجی بایرام قاباغی ساتدی نه کی پاسماندا
ایندی کی خلقی سویوب اولدو غزلخوان سنه نه !
هر یانا یئل کی اسیر اسمه ده دیر او طرفه
اوینادیر هر دؤنه ده بیر جوره فینجان سنه نه !!

محمد رحیمی شاعر و طنز نویس

اسم کاملش وتخلصش رو بپرسم