یاشاسین انتخابات
ائله باغیشلار حیات
بوتون غم- غصّه‌لردن
بیزلره وئریر نجات!
***
گلیر رنگ‌لی کاغیذلار
بزه‌نیری دام- دیوار
فابیر قالار چالیشیب
تؤره‌دیر بوْللو شعار!
***
سس، ایلدیریم تک شاخیر
دوشمنین باغرین یاخیر
کاندیدا سؤز باشلاییر
وعده، سئل‌کیمی آخیر
***
اوْخ- یای‌لارین قورورلار
باهالیغی وورورلار
ائلین اوْتاق، میطباخین
پول‌لاری دوْلدورورلار!
***
کاندیدالارا احسن
یاریش قوْیورلار بیردن
بیری بیزه نفت وئریر
بیری اللی مین تومن!
***
گؤندوزاوْلسون یا گئجه
قناعت گلمیر وَجَه
شیش‌لره چکیلیرلر
مین‌لرله یازیق جوجه!
***
باشلایاندا صحبته
سؤز وئریرلر ملّته
ایکی- اوچ آی کئچمه‌میش
اؤلکه دؤنور جنّته!
برجسب : | ايميل: news@.ir | شماره پيامک:000 |
|
نظرات کاربران در "بایاتی‌لار حمید آرش آزاد جان قوربان انتخاباتا!"