۸۹ اینجی ایلین مرداد آیی، استاد حمید آرش آزاد، ۶۲ یاشدا، اول گؤزهل معلّم- شاعیر وقتسیز اولاراق حیاتین دییشرکن، بیزی و ادبیّات دونیامیزی، آجی کؤچمهسیله، کدیرلندیردی.
آمما نئیلهماق:
سالدین منی آتشه هِیْ، نارا هِیْ،
گؤزوم آغلار، دیلیم چَکَر نَعره هِیْ.
«عاشیق عَلَسکر»
لازیم و ضروری چاقلاردا، گؤروشردیق، دانیشاردیق اوندان بوندان، اوردان، بوردان، دردلرشردیق. دییردیلر:
آرش دئییر: بیرجه گولمدی اوزوم
دونیادا بیر خوش گون گؤرمهییب گؤزوم
سیزه تکجه بودور دیلگیم، سؤزوم:
منی ده بیر یادا سالین، آدوستلار.
استاد حمید آرش آزاد تورکجه و فارسجا شعرلرینده سیاستی آزجا تومارلییه- تومارلییه آزجا! آلتدان- آلتادان طنزین گوجونه، جامعهنین چیرکین یارالارین و انسانیّت یوللارینی گؤزهل و کسگین فورمالارینان آینایا سالیب گوسترهردی. و بونا اَن استادلیق و مهارت لازیمدی. نییهکی سیاسته توخونماق و آری یوواسینا چوپ اوزاتماق بو زامانادا چتین و به قول رحمتیک «عمران صلاحی» اودولا اویناماقدیر؛ بونا گوره آرتیق دوشونجه (درک) طلب ائدر. آمما «آزاد» اوستاکاریدی بیلردی نه دئسین، نه یازسین، نئجه گولدورسون و نئجه گولدوره- گولدوره فیکیره انسانلاری سالسین. بو استادین ان مهّم فلسفهسیدور و بو مهّم هنر ساتیرا (Satira) گوجو ایله اولا بیلر.
ساتیرا کی طنزه آذربایجان ادبیّاتیندا معروف اولوب بیزیم ئولکهمیزده اسکی بیر پدیده سائیلار. میرزه علیاکبر صابیردن توت گهل بویانا. میرزه علی معجز، استاد یالقیز، استاد سخامهر، استاد میرزا (حسین شهرک)، نجّار اوغلو، ساپلاق و استاد ماراغلی کریمی و آیریلاری طنز هنرایله یاتمیشلارین چوخلارین غفلت یوخوسوندان آییدیبلار. (البتّه ئولولریله ایشیم یوخ!). یئری وار کی دییم استاد حمید آرش آزاد ان نهنگ اول شاعیرلرین بایراقچیسیدی.
استادی ایلک دفعه حسین آغانین خورشید چایخاناسیندا کی طالقانی خیاوانینین قارشیندا اولاردی گؤرموشدوم. سونرالار باغدا- باغاتدا، دارغدا، کیتاب- خانالاردا و… گؤرهردیم. استاد گؤزهل- گؤزهل، جانلی شعرلرین اوخویارکن، منیمده شعرلریمه حوصله ایله قولاق آساردی. هاردا منی گؤرسایدی دئیردیکی: – آداش! هله «گَوَن» شعرینین چئویرمیشین اوخو گؤراق!
(گون شعری دکتر شفیعی کدکنی دندی). منده باشلاردیم:
هاراسن قوچاق قاچئرسان
قورو اوت سؤروشدو یئلدهن
….
قوتارماق هامان استاد باشلاردی:
من جهاندان گئدهر اوْلسام، گئنه نامیم قالاجاق
«دوغرولهر بیرگون عدالت» دئدیم، «آللرم کامیمی»
درین حورمتله
م. ع. آرش (الفبا)
۲۸ مرداد ماه ۱۳۹۱
تبریز
برجسب : | ايميل: news@.ir | شماره پيامک:000 |
|