گولدوروب دؤشوندورن “حمید آرش آزاد”ین قلمی
بیر پارا شاعیرلر ایشی پئشهسی طنز فکاهی شعریله گولدومک دیر، بعضیلری ده حمید آرش کیمین شاعیرلرده گولوشون ایچینده دؤشوندورمکدیر.
امما چوخ آز یازار اینسان تاپیلار کی، گولوشون آرخاسیندا ایجتماعی آغریلاری، آیری سئچکیلیکلری، عدالت آختاریشینی و وئجدانین سسینی بو قدر یئتنکلیکایله شعرلرینده گیزلده بیلسین.
رحمتلیک حمید آرشآزاد بئلنچی قلم صاحیبلردن بیریسی ایدی.
اونون طنز شعرلری هئچ واخت کیمسهنی آشاغیلاما/ تحقیر ائتمک اوچون یازمادی؛
آماجی ریا، فساد، بروکراسی، پارتیبازی، ایجتماعی نابرابرلیکه و گونلوک یاشامین سورولارینا بیر گؤزگو کیمی گؤسترمک ایدی.
“قوربان اولوم بئله پارتییه” شعرینده پارتیبازلیق و آرخالیق سیستمینی/ نظام رانتی، “به جوان موتورسواری که کیفم را قاپید” شعرینده یوخسول شاعیرین حالینی و جامعهنین آجی حقیقتلرینی گؤزه گتیرن، “غریبه گیره دوشدوم” و “ایندیکی چاتدیم آلتمیشا” شعرلرینده ایسه اؤز عؤمرونو بهانه ائدیب، بیر میللتین دردلرینی گولوش ایله دیله گتیرمیشدیر.
“حمید آرشآزاد”ین طنزلرینده گولوش واسیطهدیر؛ و مقصد، اویانیش و دیرنیش دؤشونجهسینین سیمگهسیدیر.
او بیلیردی کی، آجی حقیقت بیر باشا دئییلنده قبول اولونماز، آمما او عئینی حقیقت گولوشون ایچینده سؤیلندیینده، اوخوجونون اوریینه داهـا راحت اوتورار.
بو سببدندیر کی، اونون شعرلری بوگون ده یئنیدیر؛ چونکی هدف آلدیغی ایجتماعی دردلرین چوخو هله ده اورتادان قالخماییب!
حمید آرشین قلمینی طنز شعری ویجدانین دیلی، حقیقتین گولن اؤزو کیمی گؤروردو.
حمید آرشآزاد آرامیزدان گئتمیش اولسا دا، شعرلری بیزه خاطیرلادیر کی، توپلومو دئییشدیرمک ایستهین قلم، هر شئیدن اؤنجه آزاد، جسور و خالقین یانیندا اولمالیدیر.
بئله سؤزلرین قلم صاحیبی شعرلری اورهکده یاشایار.
سیامک بئی، سیزده آتانیزین قلمیندن قالان امانتی لایقی ایله یاشادیرسینیز. ایللردیر شعرلرینی، خاطیرهسینی و بوگون حمید آرشآزادین اونآلتینجی آنیم گونو اؤزل ساییدا شعر دؤشونجهلرینی سانال دونیادا یئنی نسللره چاتدیرماقلا ماراق گؤستریسینیز.
و بو ایلده ، ایلدؤنوم مناسبتایله شعر و مقاله توپلاماغا چاغیریش و اؤزل سایینین یایینلانماسی اوچون گؤستریلن همت، چوخ دیرلی و وطن کولتور بورجونونیزی دا یئرینه یئتیرسینیز.
بیر اینسانین حقیقی اؤلومو، آدی و دؤشونجهسی یاددان چیخاندا باشلار. سیز ایسه بو یادین سؤنمهسینه ایزن وئرمیسینیز، یاشاماسینا خیدمت ائدیرسینیز.
بو، هر اوغولا نصیب اولان بیر شرف و تقدیره لایق اولان دیر.
وار اولون کی سیزین کیمین بیر دؤشونجهلی و معاریف پرور اوغلولونا صاحیبی دیر.
سایقیلا ا. یوسفاوغلو
برجسب : | ايميل: news@.ir | شماره پيامک:000 |
|