«آخیر چَرشنبه گلیر، ای وای، آمان، ای وای، آمان!
هامی دئییر: «فیشقا آلان، سنتور آلان، میز قان آلان»!
کارمند آیلیق آلیب، همدهکی بایراملیغینی
ییغیسان بیر یئره، بئش یوز تومن اوْلمور هئچ، اینان
بئش اوشاق، بیرده خانیم، بایراما پالتار دیلهییر
بیلمهییرلر بو پولا، هئچ فاطییا یوْخدور تومان
پوستهنین هر دنهسی یوز تومن اوْلموش تزهجه
آجیلین قیمتی یوْخسوللاری ائتمیش هراسان
قیرمیزی خیردا بالیق، اوچمین اوْلوب، بلکهده چوْخ
ساتیر آجیلله بالیق، هر کوچهده اللی دوکان
چایدا یوْخدور دوروسو، ملّت آتیلسین بو گئجه
بئله چایدا آچیلان بخته، سالار فضله، سیچان
چایی بوْشلا، دؤزهریک، بلکه یاغیش یاغدی بیر آز
تبریزه یاغسا یاغیش، «نیل» تک اوْلار هر خیابان
بعضی یئرلر یاناجاق اوْد دان آتیلسان، بونو بیل
بخت آچیلماز، سنه آنجاق توْخونار چوْخلو زیان
هئچینه نیّت ائدیب، سالما آچار، فال بیلهسن
ملّت ایندی دانیشیر چوْخ باهالیقدان- زاد دان
گئجه تئز یات، داداشیم! بلکه یوخوندا گؤرهسن
اوجوز ائتمیش، باها قیمتلری دؤولت عمیجان!
ایگنه آتسان یئره دوشمز خیاوانلاردا بوگون
باس- ها باسدیر، گؤروسن ووردو آیی، قاچدی قابان
ائل قیمیلدیر بو شولوقلوقدا قاریشقا کیمی، باخ
هامی ائیلیر تاماشا، یوْخ اؤزونه بیر زاد آلان
کیمسهنین یوْخدو بو گونلر حالی شال ساللاماغا
باخاسان، میرسیغینی ساللاییب هر قیز- اوْغلان
یوْخدو بیر زاد کی، شالا باغلایالار بایراملیق
حتّی شال ساللایانی ایندی ائدیرلر عُریان
آلتمیش ایلدیر کی، چیخیرسان جیزیغیندان، «آرش»
بللیدیر کی، سنی یوْلدان چیخاریبدیر شیطان

ايميل: news@.ir | شماره پيامک:000 |
![]() ![]() ![]() ![]() ![]() ![]() |
- دفاع از رساله دکتری با موضوع «دیپلماسی شهری» و نقش رسانه ها توسط همکار شهرداری تبریز
- آذربایجانشرقی گنجینه طلای کشور
- تصادفات رانندگی در آذربایجانشرقی هفت هزار و ۹۴۸ فوتی و مصدوم به جا گذاشت
- خرید تضمینی ۵۱ هزار تن گندم در آذربایجان شرقی
- تاکید مدیرکل آموزش فنی و حرفه ای آذربایجان شرقی بر نقش بانوان در توسعه آموزش مهارتی
- قاچاقچیان آثار تاریخی در اسکو به دام افتادند
- مسیر دیپلماسی را دنبال میکنیم
- ۲ کرسی هیئت رئیسه کمیسیون اجتماعی برای تبریز
- تبریزیها ۱۰۰۰ دستگاه خودروی برقی خریدند
- زنجیره تولید غذا در بحران جنگ تحمیلی ۱۲ روزه در آذربایجان شرقی متوقف نشد
- حضور بانوان در ورزشگاه موجب افزایش نشاط اجتماعی در بین خانوادهها شد
- کاهش ۹ درصدی فوتیهای تصادفات رانندگی در آذربایجانشرقی
- ارزش تولیدات منطقه آزاد ارس به ۸۲ هزار میلیارد ریال رسید
- استاد اقلیمشناسی: احیای دریاچه ارومیه جز با انتقال آب دریاهای آزاد ممکن نیست
- تأکید عظمایی بر رفع گلوگاههای زیرساختی در مسیر توسعه مس سونگون
- انتقال آب ارس؛ نیاز حیاتی تبریز در انتظار توجهی جدی
- شهردار تبریز: فرصت های سرمایه گذاری موجب درآمد پایدار و رونق اقتصادی می شود
- تأکید عظمایی بر رفع گلوگاههای زیرساختی در مسیر توسعه مس سونگون
- آذربایجان شرقی الگوی تابآوری در بحران/ تولید بیوقفه صنایع حتی در جنگ تحمیلی ۱۲ روزه
- تصویب اوراق مشارکت ۵۵ هزار میلیارد ریالی برای توسعه حملونقل عمومی تبریز