خرجیمیز اولموش فراوان، الغیاث
بورجوموز لاپ آشدی باشدان، الغیاث
گورمه دیک بیر جنس ارزان، الغیاث
«درد ما را نیست درمان، الغیاث
هجر ما را نیست پایان، الغیاث»
یاغ تاپیلمیر، عرشه قالخمیش نرخ قند
ات، بیزی هجرینده ائتمیش دردمند
باغلاییب واعظ به گردن ها کمند
«دین و دل بردند و، قصد جان کنند
الغیاث، از هجر خوبان (!) الغیاث»
رای وئردین، ایندی بیر باخ، ای فلان
ملتی گور بونئجه ائتدی تالان
دوزدو بوسوز، ذره جه یوخدور یالان
«خون ما خوردند این کافر دلان
ای مسلمانان! چه درمان؟ الغیاث»
قیرخ بئشه قالخسا اگر جانلاردا تب
اللی دوکاندا تاپیلماز بیرجه حب
احتکار ائتمیش داوانی بو لهب
«در بهای بوسه ای، جانی طلب
می کنند این دلستانان، الغیاث»
تا کی، قیمت لر آشیر اندازه دن
سینه ده آرشیر غم و درد و محن
نازل آیلیق لا، فقط بیچاره من
«همچو حافظ، روز و شب بی خویشتن
گشته ام سوزان و نالان، الغیاث»