آلاندا الیمه یازماغا، قلم

ریاسیر صفادان یاز، دئییر، بیرآز

آچیلسین اوره‌گیم، سیلینسین کده‌ر

بو توتقون کؤنلومده اوْلمو

صداقت بولاغی

ش گؤروم یاز

ریاسیز محبت- وفادان سؤز آچ

گؤروم‌کی، عاطفه کؤچمه‌ییب هله

صداقت بولاغی گور- گور، گورولدور

سویونون داد- دوزو داد وئریر دیله

دوْستلوغون قیمتین هله وار بیلن

تاپماییب اوْنا یول پول- پارا هله

قوْرونور محبت- صداقت یوْلو

تزویره یوْل وئرمیر اوْرتایا گله

ائلین‌ده دردی‌نین یانانی واردیر

قایغی‌سین اوره‌ک‌دن آنانی واردیر

اؤزونه سعادت بیرلیکده بیلیر

یاخشی‌نی پیس‌دن‌ده قانانی واردیر

***

سئویله‌دیم: قولاق آس قلم، سؤزومه

گؤردوگون آغاج‌لار کوره‌ک‌لیک اوْلوب

صداقت بولاغی کؤک‌دن قورویوب

محبّت گول‌لری سارالیب- سوْلوب

دوْستلوغا یوْل تاپیب مادیّات، ریا

وفادان آد قالیب دیل‌لرده آنجاق

عاطفه دیل‌لرده قالسا‌دا هله

باطن‌ده اوْلونوب بیرجور اوْیونجاق

ائل‌لرین دردینی چکه‌ن‌ده اوْلسا

سوسوبدور، تانی‌میر ائل اوْنو هله

قایغی‌سین چکه‌نی تانی یارسا‌دا

اینان‌کی اوتانیب، گتیرمیر دیله

***

قلم جواب وئردی: نه سئویله‌ییرسن؟

باشینی سن قارا قویلامیسان بس

انسانلیق سسینی دویمورسان مگر؟

باخ، نه گؤزه‌ل دوشوب هر یانا بو سس

اذن وئر سئویله‌ییم اوْنلارین بیرین

اوْنون آدی «حمید»، سوْی آدی «آرش»

دیله‌ییر سعادت بشریّته

سینه‌سینده یانیر چوْخدان بو آتش

***

دئدیم‌کی: باغیشلا، آی قلم، منی

ازبس‌کی ایتمیشم، «ایتگین» اوْلموشام

ذهنیم‌ده کوته‌لیب، کسه‌ردن دوشوب

ائل غمین یئمه‌ک‌دن، سانکی سوْلموشام