طنز اوْخون قاش‌ایله آتدین، آتیسان قاش، آرش

سالمیسان ولوله‌لر طنزایله قارداش، آرش

اؤلکه‌میزده هارا گئتسه‌ن، اوْخونون وار اثری

قوْیموسان شست ایله بو یوْلدا گیروْو، باش، آرش

نئچه ایل‌لردی سپیرسن قلمینده‌ن ایشیغی

ائلمیز بیرگون ایشیق‌لیق گؤره ای کاش، آرش

دورموسان ظلمته قارشی دلی- دیوانه‌کیمی

بو عیان‌دیرکی، آتارلار دلی‌یه داش، آرش

چوْ‌خ‌دا وورما تئشه سن ریشه‌یه، بیر آزجا چکین

یوْخسا نامردین الی‌ایله کئچر آرقاش، آرش

سؤیله‌ییرسن منه هئی: بیرکاسا «بوْش» ال، «مسعود»

بیشیره‌رله سنه چوْخ یاغلی- یاواش- آش، آرش