به مناسبت چهارم دی ماه سالروز تولد حمیدآرش آزاد
مهندس امیر حلاجی
گوورچین دیمدیکینده گتیره‌ن کاغاذ
زمان چوخ قاچماقدادی‌دی، قورس (قوس) آیی یئتیشدی، باشلانیب یاواش یاواش شخته‌لر دوشور، او طرفدن‌دی چیلله گلیب چاتیر.
من یاتمامیشام، آمما قافیله‌دن دالی قالمیشام. آخی خیلک زاماندی‌کی منده ایسته‌ییردیم آرشه بیرزاد یازام و بئلنچی لیک‌له دییه‌م منده ماماغانلی‌یم، آمما نه دئمک‌کی «په ایلن پیلو اولماز، یاغیلان دویی ایسته- ر». هر ایشی گؤرمگه چئخار لازیم‌دی.
بیر طرفده‌ن‌ده «آرش» یانیندا آبریدان دوشوره‌م. لاپ بئله ساققالیما گولرلرکی هئچ بیرزاد باشاراجیغی یوْخدی، همده کریسمس ده‌ن صوْرا بئلنجی یازی نه درده دیه‌ر؟ آللاه بیلسین. آنجاق من هله نوْودانا مینمک مشقینده‌ن دوشمه‌میشم. اؤلدی وار دؤندی یوْخدی. بیرده دئمیشلر جیس تویوق برک یومورتلار. «حمید آرش» وصفینده قصیده‌دن آزا رضایت وئرمرم.
آرشی کریسمس گونی دنیایه گلمه‌سینه خاطر عیسی پیغمبره بنزه‌دیب بئله یازماغا باشلادیم «مسیح طنز را بُوَد چهار دی تولّدا» آمما گوردوم چون حضرت عیسی اوزو یوموشاق پیغمبریدی و بیزیم «آرش پیغمبر»یمیز اونلاردان دییل‌کی اوزونون ساغ طرفینده‌ن سیللی وورسالار، سوْل طرفین چئویرسین. بو ایلانلی- اژدهالی پیغمبر اولا بیلر. او دورکی سؤزوموده ییشیب بئله یازدیم:
کلیم طنز ماه‌دی چو برگزیده ایزدا
زطور کلک و دفترش کلام طنز ریزدا
قلم به ید عصای او به رزم اژدهای او
به سامری و ساحرش زجان و دل ستیزدا
چون طنز می‌نویسد او طناب دار ریسد او
خمیر نقد هجمه را به خون خویش بیزدا
آمما بیردن یادیما دوشدی قصیده یازماق هر متشاعرین ایشی‌دییل. اوْنو یازان گره‌ک هئچ اوْلماسا اللی- آلتمیش بیت یازماغا قادر اوْلسون. من‌ده‌ده‌کی بیلیردیم اوْ بضاعت یوْخدور. اوْدورکی منده راییمی چئویردیم، بیرآز یونگول وزن‌ده بئله یازدیم:
آنکه او سبز بود افکارش
آنکه او نغز بود اشعارش
آنکه پرمغز بود اخبارش
قلم طنز بود ابزارش
نَبُوَد غیرحمید آرش
تیر را گرچه بود جنس حدید
لیکن آن تیر که اندازد حمید
همه از شکر و نقل است و نبید
طوطیی با شکرین منقارش
نَبُوَد غیر حمید آرش
طنز موم است همی دست وی‌اش
کمتر از کاه جم و جام کی‌اش
شکرین است بسی نای و نی‌اش
آنکه گرم است به دی بازارش
نبود غیر حمید آرش
چه غم ار ابرهه را فیل بُوَد
آرشم طیر ابابیل بُوَد
کلماتش همه سجیل بُوَد
با خرافات بُوَد پیکارش
نبود غیر حمید آرش
بورا یئتیشنده یادیما دوشدی کی بیزیم بو حمید کیشی‌ده‌ن آخی من همیشه تورکی شعر ائشیتمیشم. نییه بس فارسجا، اوزوده بئله قره قاباق و هپیر- زوپورلی یازیرام؟ یئنه‌ده یولون یاریسیندان قاییتماق قصدینه دوشدوم، باشلادیم بئله یازماغا:
بیر گوهر پربهادی آرش
اؤز عهدینه باوفادی آرش
تک جدّی توتوب اؤزی دئمیشلی
هم طنزی همی مدادی آرش
دردی بودی خلقی یوخلادیرلار
او ویروسا مبتلادی آرش
طنزین گمی‌سین چکن کناره
طوفانده ناخدادی آرش
طنزین اوْلا یئددی پارچا کندی
باش کندینه کدخدادی آرش
کیم اوْلماسا پای منبرینده
بیلمز نئجه باصفادی آرش
نه قنددی، نه کلسترول‌دی
اوْد پارچاسی قیساوادی آرش
مپراق سؤزو ائیلی‌یه‌ر قیزیل سؤز
بو حرفه‌ده کیمیادی آرش
یوخ قورخوسی لاپ ایلان بو غاندی
بیر بچّه‌ی ناقلادی آرش
او طنز کلیمی‌نین عصاسی
فرعون‌لار اژدهادی آرش
یوْخدور جولونون نصیبی پای‌دان
غیراز بو سؤز، افترادی، آرش!
اوْ هوْپ- هوْپو تازه‌دن دیریلدیب
عارف‌لر برملادی آرش
چیخمیش آیاغی چون کی جیزیقدان
جیرماقلاماغا روادی آرش
هریاندا تازا خبر دوغولسا
تنقیدینه مبتدادی آرش
جانی جیجیشه‌ر، او دینج اوتورماز
چون طالب ماجرادی آرش
من بیر سایا گلمی‌ین سامانام
داغدان یئکه کهربادی آرش
اوْلمور سؤزه فارسی قاتمی‌ینده
تخس و نونور و بلادی آرش!
آمما یئنه یادیما دوشدی‌کی تولد هارا بو سؤزلر هارا؟ بو سؤزلرین چوْخ شیرین دادلی- دوزلوسون شهرک‌لر و آیریلاری یازیرلارکی هر مصراعیندان بال شکر سوزور. کیشی‌سن ندی سلیمان درگاهینا سامان چوپی آپاردی ندی؟ آمما نه ائدیم‌کی ایستمیردیم عریضه‌م بوْش قالسین، اوْدورکی ایسته‌دیم شاعرین تولّدینه آنجاق بیر زاد یازمیش اوْلام. بویوْل‌دا سوز بئله گلدی:
کیم دئیردی آیی دوْغولدی «آرش»؟
شاعرکی دوْغولار، قلم گوتوره‌ر
خلقینه یازار اؤز اوره‌ک سؤزلرین
سوسماییب دایمانماز، قدم گوتوره‌ر
نئجه‌کی چوْخلاری بیلمز نه زامان
دوْغولوب آنادان «فضولی» «صابر»
آمماکی خلقی‌نین اوره‌کلرینده
شعری‌لن یاشاییر هله‌ده شاعر
بیزیم‌ده ائل آرا یاشایاجاق‌لار
«آرش»لر «شیدا»لار «شادی»، «یاری»لار
شیرین دیل «شهرک»لر، قوچاق «شاهین»لر
جاودان قالاجاقدی «غفاری» لار
بو کهکشان‌دا مینلر اولدوزلار وارکی
گون‌کیمی نورلاری ساچیلاجاقدی
«درویش»لر «ثاقب»لر هم «حسن‌پور»لار
«عزیزی» «مسعود»لار تانیناجاقدی
کیم دئیردی آیی دوْغولدی «آرش»؟
شاعرکی دوْغولار، قلم گؤتوره‌ر
خلقینه یازار اؤز اوره‌ک سؤزلرین
سوسماییب دایمانماز قدم گؤتوره‌ر
مین یاشاسین آرش- آذر ۱۳۸۶
برجسب : | ايميل: news@.ir | شماره پيامک:000 |
|