۱
۱۳۸۰- نجی ایلین یای گونلری ایدی. گؤز ایشیغیم و ائلیمیزین قدرتلی طنز شاعیری، آتام غلامرضا مجدفری اوزون مدت خستهخانادا یاتدیقدان سوْنرا، ائوه گتیرمیشدیک. حالی هئچده خوْش دگیلدی. خستهخانادا یاتدیغی اوچون، کورکلری یارالانمیش و بئیین سکتهسینه دوْچار اوْلدوغونا گؤره، دانیشیغینی و بدنینین بوتون حرکتلرینی الدن وئرمیشدی. دئمک، دؤکتورلر اومیدلرین اوْنون بیر داها ساغلام اوْلماسینا الدن وئرمیش و بیزدن ایستهمیشدیلر اوْنو ائوه آپاراق. اوْ گونلر من گئجهلر سحرهدک آتامین یانیندا اوْتوراردیم و سحرلر، نامازواختیندان سوْنرا بیر آز یاتیب، ایشه گئدردیم. گوندوزلری ایسه آنام ایله باجیلاریم اوْنا یئتیشردیلر. من آتامین گئتمگینی بیلیردیم، ائله اوْنا گؤره گئجهلر اوْنون یانیندا قالماغی اؤزومه بیر فرصت ساییردیم.
آتام، سحرهدک هردن بیر هوشلانیب، یاتاردی. آنجاق بیر چوْخ زامانلار، دانیشمامادیغی اوچون ائله هوروت- هوروت منه باخار و هردن کیرپیکلری ایله منه بیر سؤزلر دئیردی. کیرپیکلرینی آچیب- بیر آز مدت باغلادیغی ایشین آنلامی، منه بوُ ایدی کی بیر آز یات- دینجل. آنجاق من آییق قالماغی و اوْنون اوزونه باخماغی چوْخ سئویردیم. گئجهلرین اوُزونلوغونو بیر جورلوکله دوْلدورمالی ایدیم و طبیعی بوُ کی ایللر بوْیو اؤزو شعر ایله حشر و نشرده اوْلان بیر شاعیره شعر اوْخوماق، منیم اصل ایشلریمدن اوْلاجاق ایدی. عمومیتله اوْخودوغوم شعرلره اؤزل صورتده عکسالعمللر گؤسترردی: یا الیمی الینهوئردیگیم بارماقلارین بیرینی چوْخ یاواش سیخاردی؛ یا کیرپیک چالمالارینی آرتیراردی و یا دا گؤزلریندن بیر یا ایکی دامجی یاش آخاردی؛ باشقا فرقلی عکسالعملری، تکجه ایکی دؤنه گؤردوم:
۱۳۸۰- نجی ایلین شهریور آیینین ۲۱- یندههمشهری گوندهلیگینین شعر صحیفهسینده آتامدان بیر بالاجا فارسجا شعر چاپ ائتدیرمیشدیم. اوْ گونلر من همشهرینین «ادب و هنر» و «علمی فرهنگی» بؤلوملرینین دبیری ایدیم. هر واخت اوْنون بیر شعری تبریز یا تهرانداکی مطبوعاتدا چاپ اوْلسایدی و من چاپ اوْلان نسخهنی اوْنا گؤسترسئیدیم، چوْخ ماراقلانیر و اؤرهکدن سئوینیب، گولردی.
چاپ اوْلان صحیفهنی و شعری گؤستردیم. هئچبیر گؤزه چارپان ترپنیش گؤرومه دگمهدی. آغلاماغیم توتدو. اؤزومو ساخلادیم و شعری اوْجا سسله اوْخوماغا باشلادیم. شعرین سوْنونا قدر باخیشلاری منه طرف جوُمدو و گؤزلریندن بیر یا ایکی دامجی یاش عوضینه، یاشلار آخماغا باشلادی. دستماللا یاشلارینی سیلدیگیم زامان، بدنینین ترنپمهسینیده حس ائتدیم. آتام، اوْ شعری اوْخودوغومدان دوْققوز گون سوْنرا اؤلدو.
ایکینجی فرقلی عکسالعمل بیر نئچه مدت سؤیلهدیگیم ماجرادان قاباق اوز وئردی؛ دئمک شهریور آیینین اوللرینده.
آتامین ساتیرا شعرینه علاقهسی و قدرتلی ساتیرا شعرلری هامییا بللیدیر. تبریزدن بیر نئچه نمره فروغآزادی و امین درگیلری گلیب، الیمه چاتمشدیر. بیر گئجهنین یاریسیندا، بوُ درگیلرین بیرینده چاپ اوْلان شعری آتاما اوْخودوم. یئنه ده ساکیتجهسینه منه ساری توُمدو و شعرین سوْنونا قَََدَر بارماغیمی الینده ساخلادی. آنجاق شعرین سوْن بیتلرینه چاتاندا، قوُیودان چیخان بیر سسله، گولدو، گولمک کی نه دئییم: ایکی هیجالی «هِه… هِه…» سسلی بیر خوْش گولوش. سوْنرا بیر داها سوُسدو. آنجاق گئجهنین یاریسیندا کی بوُ قیسا گولوش، منی هیجانلاندیردی.اوْ گونلر هله گؤزلریمله آز ایشیغی اوْلان قیرمیزیرنگلی چیراغین نوُرو آلتیندا عینکسیز مطالعه ائتمک باجاریغینا مالیک ایدیم. اوْخودوغوم شعره بیر داها گؤز آتدیم. شعرین آلتیندا یازیلمیش ایدی: حمید آرش آزاد – تبریز.
۲
آتامین اؤلوموندن بئش آی سونرا، ۱۳۸۰- نجی ایلین بهمن آیینین ۲۹-وندا «اختر» هفتهلیگینین انتشارینی باشلادیق. من بوُ هفتهلیگین قوُروجوسو و باش کاتیبی ایدیم. بایرام گونلری و ۱۳۸۱- نجی ایلین بیرینجی آیینی آرخادا قوْیدوق و گلیب چاتدیق اردیبهشت آیینا. اوْ گونلر تهراندا کیتاب و مطبوعات سرگیلری بیرگه قوُرولوردو. اختر ده یئنی بیر درگی تک، بوراخدیغی تکجه ۷ نمره ایله سرگییه قاتیلدی.
اخترین مجوزی تبریزلی مهندس میرطاهر موسوینین طرفیندن آلیندیغی اوچون، بیزی قاتدیلار شمالغرب مطبوعاتی سیراسنا و تصادفله غرفهمیز دوز «آذربایجان شرقی» درگیلری ایله اوز- اوزه دوشدو. اوْ گونلر آذربایجان شرقی، او جملهدن تبریزدن گلن مطبوعاتین هامیسینا تکجه بیر غرفه وئرمیشدیلر. بوُ چوْخ فرقلی بیر ایش ایدی. بیزیم کیمی یئنی یئتمهلره مستقل غرفه وئرمک و تبریزین نئچه ایللیک نشریهلرین بیر غرفهده توْپلاماق، نهدن سببلی ایدی، معلومدگیلدی.
آذربایجان شرقی غرفهسینی اوچ- دؤرد نفر دوْلاندیریردیلار. آنجاق هامیدان چوْخ گؤزه چارپان و هامیدان چوْخ مهربانلیق و صمیمیت ایله داورانان کیمسه، آلتمیش یاشلی بیر بوُغلو و اوْرتا بوْیلو کیشی ایدی. هامی ایله خوش- بئش ائدیب، آتماجا آتیب، شعر اوْخویوب، هر ایشه ال آتان ( چای دوزلتمهدن توُتدو تا غرفهنی سیلیب- سوپوروب، وسایلی اوْیان- بوْیان ائتمک) بو آغا، دئمک حمید آرش آزاد ایدی.
اوُزاقدان باخان و اوْنو تانیمایان، بوُ کیشینی تکجه بیر ساده کارگر کیمی تانییا بیلردی. آمما اوْ حمید آرش آزاد ایدی و بوُ مسئله، خصوصیله تبریزدن و باشقا شهرلردن غرفهنی گؤرمک اوچون گلنلرین آراسینداکی اینسانلارین ایچینده گؤزه چارپیردی. آرش آزادی تانییان گؤروشچولر، اللرین سینهلرینه قوْیوب، اوْنو گؤرنده اگیلیب، اوْنونلا حؤرمتله یاناشیردیلار. او تبریزدن گلن بوتون نشریهلرین حاققیندا، معلومات وئریر و اؤزونو تکجه بیر- ایکی درگینین نمایندهسی یوْخ، بوتون آذربایجانشرقی درگیلرینین نمایندهسی ساییردی.
من اوستاد حمید آرش آزادی، یازیلاری و شعرلریندن سوْنرا، تکجه همان نئچه گونده گؤردوم. اوْ منله دوْست اولدو. بیرلیکده دیمدیکلشدیق. آتامدان اوْنا شعر اوْخودوم و حتی اوْنون اؤلوم یاتاغینداکی ماجراسینی اوْستادا سؤیلهدیم. البته سوْنرالار بیر ایکی دؤنه اوستاد آرشی، صابر انجمنینده شعر اوْخویان واخت گؤردوم، آنجاق دانیشماغا فرصت تاپمادیم.
اوُستادین ژورنالیست اوْغلوسیامک ین ایستگی اوزهره، بوُ کیچیک خاطیرهنی قلمه آلدیم. یازینی یاخشی و اورهگه یاتیم دگرلندیرمهسینیزسه، اوْنو ایکی ساتیرا شاعیرینین، ایکی ژورنالیست اوْغوللارینین بیر – بیرلرینه وئردیکلری کیشی سؤزونه گؤره، قبول ائدین.
بؤیوک آللاهدان آنا دیاریمیز تبریز شهرینین ایکی نسلدن اوْلان، ایکی طنز شاعیری اوستادلار غلامرضامجدفر و حمید آرش آزادین اوُلو روُحلارینین داها دا دینجلی اوْلمالارینی آرزیلاییرام.
ايميل: news@.ir | شماره پيامک:000 |
- برگزاری مراسم گرامیداشت روز معلم در فرهنگسرای نیکدل
- نصب تابلوهای تبلیغاتی دور دوم انتخابات مجلس، در معابر سطح حوزه
- برگزاری نمایشگاه آثار خط استاد حمید امینی در فرهنگسرای نیکدل
- سرویس بهداشتی باغ گلستان برای استفاده عموم رایگان شد
- فضاسازی معابر منطقه ۸، به مناسبت فرا رسیدن سالروز شهادت امام جعفر صادق(ع)
- برگزاری سومین نشست فرهنگی، هنری “به وقت تبریز” در فرهنگسرای نیکدل
- تبریک روز معلم، توسط عضو شورای شهر و شهردار منطقه ۸ تبریز
- آسفالت تراشی مسیر چایکنار، حد فاصل پل قائم مقام تا خیابان تئاتر
- نمایی از زندگی کارگران؛ ۳۰ سال کار و فقط ۴ سال سابقهی بیمه!
- استاندار آذربایجان شرقی: هر دانشجو و استاد دانشگاه یک رسانه باشد
- نقش توسعه مناسبات با شهرهای استراتژیک مسیر جاده ابریشم در احیا اهمیت تاریخی تبریز
- “راز خوشه پروین” در تبریز توسط شهرداری منطقه ۸ به روی صحنه میرود
- فضاسازی معابر منطقه ۸ به مناسبت فرا رسیدن روز معلم
- قدردانی هیات امنای مسجد اندبیلی ها از شهردار ناحیه دو منطقه ۸
- مشارکت شهرداری منطقه ۸ تبریز در مرمت و ساماندهی مساجد سطح حوزه
- برگزاری برنامه صبحانه سالم بانوان در فرهنگسرای تربیت
- برگزاری کارگاه آموزشی “داستان نویسی” در فرهنگسرای نیکدل
- آغاز کاشت ۴۰۰هزار بوته گل فصلی در محدوده شهرداری منطقه ۸
- کد گذاری باکسهای زباله در محدوده شهرداری منطقه ۸
- تبریز گردشگرپذیر می شود/ احیای خانه های تاریخی در دل شهر
- آشنایی با ۱۲ نامزد راه یافته به دور دوم انتخابات مجلس در آذربایجان شرقی
- مدارس کانکسی آذربایجان شرقی تا پایان دولت سیزدهم برچیده شود
- تراکتورهای وارداتی توان رقابت با تولیدات تراکتورسازی ایران را ندارند
- برگزاری کارگاه آشپزی “دسر شکلاتی” در فرهنگسرای تربیت
- برگزاری کارگاه آشپزی “کیک دورنگ عصرانه” در فرهنگسرای تربیت
- فضاسازی معابر منطقه ۸ به مناسبت فرا رسیدن روز کارگر
- برگزاری برنامه صبحانه سالم در فرهنگسرای تربیت
- سنگفرش پیاده رو ها در خیابان ارک جدید
- لکه گیری و آسفالت ریزی کوچه ولیعصر در خیابان محققی غربی
- اجرای طرح “تبریز بهشت ماندگار” در کوی سنجران و شهید بهرامی