دوشونجهلی شاعیریمیزحمیدآرش ین آرامیزدان
کؤچمهسینین ۱۶ایلیگینه یازیلدی
طنز ژانریندا اورتا شرقده آذربایجان ادبیاتینین اؤزونه مخصوص یئری اولدوقدا ، ادعا ائده بیلریکاؤنده گئدیب همی ده بایراقدار اولوب .
ملانصیرالدین مکتبینین اویهلری بوتشبوثون قاباقجیللریندن ساییلیر .اوجملهدن میرزه علیاکبر صابر ، علیقلی غمگسار ، جلیل محمدقلیزاده وباشقالاریندان آد آپارماق اولار .بونلارلا یاناشی جنوبدا آنا دیلده مکتبین اولمادیغینا باخمایاراق حکیم لعلی اوزهللیکله شبسترلیمیرزه علی معجز اوزونه اوز باغلایب همی دیلین کئشینده اولوب همیده طنز ژانری نین چیچکلنمهسینه بو تایداسببکار ایشلهیب چاغداش دوورده اوتایلی- بوتایلی شاعیرلردن مجیدآغا یالقیز ، میرزه شهرک ، نجاراوغلو ، حمیدآغا آرش ، ساپلاق ، باباپنهان دان یاد ائتمک مومکوندور . بو یازیدا آتابابا سیدعلی اوغلو مددزاده ( باباپنهان ) دان قیساجا دانیشیب سونراکئچهجیک اؤز موضوموزا ، باباپنهان ۱۹۴۸م باکینین کوردهخانی قصبهسینده دونیایا گوز آچیب سونرالار گلیب باکیدا یاشایشینین آردینی توتوب یازیب یارادیب نهایت یاشایشدان داریخیب ۲۰۰۵م ایلینده حیاتلا وداعلاشیب آرامیزدان کوچوب (۱).
باباپنهانین غزللرینین بیریندن اوچ بئیت اوخویوب سونرا یازیمیزین آردینی توتاق
“” دووره اومید ائیلهدیک ، دووراندا ایت گونونده
عالیمده ایت گونونده ناداندا ایت گونونده
آدم گیریر مین دونا ، ماجال یوخدو شئیطانا
اسیر دوشوب انسانا ، شئیطاندا ایت گونونده
ایتیم گل دور اؤنومده ، گل باشینا دؤنومده
سن پنهانین گونونده ، پنهاندا ایت گونونده””
شاعیرین بو بئیتلرینی سئچمکدن مقصده اویعون گلسین دئیه فیکریمیزی سؤیلهیجیک .شاعیر لیریکا ( سئوگی ) شعرلرینی نهقدر اورهیه یاتیم ، یوموشاق – اویناق وزنلرده یازسا بئله باشقا شعرلرینیده او جملهدن طنز ژانریندا یازدیقلاری مصراعلاری نازیک- شفاف شوشه کیمی بوتایدان باخارکن اوتای گورونور، دئمک اوخوجونو آردینجا چکیب هارا ایستهییرآپارا بیلیر.شاعیرچاغداش طنز اوسلوبونون قولاغیندان یاپیشیب بوروب اؤزونه قول ائیلیهبیلیر .سوسیال موضوعلاری تام بو سبکده اؤزوده او تایین فضاسیندا!!! اوخشاماق ایگنه اوجو بویدا جسارت ایستهییر بو تشبوثده آرشله باباپنهان اورتاق بیر نقطهده نئجهدئیرلر یولبیردیرلر .
باباپنهان آچدیغی جیغیردا آتینی قورخمادان چاپدیریب ائلهکی شاعیر شعره تاپشیریق وئررکن سؤیلهییر: ” گئت آدام اول” ” آدام هر یئتنه دولاشماز” ” هامییا ایلدیک آتماز” ” هامینین دوواریندان آشیب آلچاسینی قوپارماز” بونونلا بئله بیر مجلسده ایسهنیلیر شاعیرایندیکی دوروملا باغلی بیر شعر اوخشاسین ، شاعیر ایسه آزجا فیکیرلشندن سونرا: هرنه دئیلیب دئیر . هرحالدا مجلس اشتراکچیلاریندان اصرار شاعیردن انکار ، نهایت شاعیر تسلیم دونونواگنینه آلیب اؤزشعرینی بالاجا دئیشدیریب بئله قرائت ائدیر: ” ملت پنهان گونونده ، پنهان دا ایت گونونده ” دئیب سوسور هر طرفدن صدالانان سسلر’ ائلهبو ” ” بهآردی” ” بیز دویمادیق” .بئله اولانداشاعیرین یاخینلاریندان بیری مجلسدن اجازه آلیب بو آلتی(۶) کلمهلی شعرین آچیقلاماسینا واریر.ایکی پنهان کلمهسی بیرده ملت وایت کلمهلری هر دؤردوده اسم ( آد) دیرلر، قالدی ” گونونده” کلمه سی بیرباخیشدا زامان قیدی حسابلانیر، باشقادریافتدا حالت قیدی .دئمک ۴اسم ۲ قید دن جمعلشمیش سوز بیرلیینده گئدن هرمنوتیک اوسلوب اوخوجونو بوقناعته گتیریب چیخاریرآرتیق کلمهلرله اویناماغا یئر قالماییر .دئیلنلر دئیلیب هرنه بیتدی
بیزیم آرشیمیز ۱۶ ایل اؤنجه یازدیغی شعر کیتابلارینین سئچدیگی آدلارا نظر سالساق اوست سطیرلرده گئدن فیکیرآیدینلاشار
۱- جیزیغیندان چیخما بالا
۲- جولویه جولویه قالمادی
۳- اوخو آت یایین گیزلت
بواوج کتابین شعرلرینین محتواسی چوخ شیرین همیده آجی ( شکرپنیر سایاغی ) توپلومون ایستکلرینی ، چتینلیکلرینی بیزیم یوخاری سویهلی مسئول( محصول) لاریمیزین قولاقلارینا چاتدیریب اونلاریندا اللرینه دؤنوم بوقولاقدان آلیب اوبیریندن بوراخیب چوخ رئلکس دورومدا داورانیب شهرین آوادانلیغینا چالیشیبلار .اما بیر سوز وار آرش اؤلنهدک سوزونو دئدی ائله اوناگورهده خالقین یادداشیندا یاشاییر.
ایندی ۱۳۸۹ جی ایلدن آددیملایا – آددیملایا ، زارییا-زارییا گلیب چاتمیشیق ۱۴۰۵جی گونش ایلینین یای دؤنمىنین اورتالارینا.نه یاخشی بیز چکنی شاعیرگورمهدی یوخسا ادبیاتیدا بوراخیب نم- نه گونه قالاردی ، آرش معلیمین اوغلان ائولادی ” سیامک بیگ ” بوایل دؤنومو توتماقلا برابر همی آتاسینین خاطیرهسینی دیری ساخلاییر ، اونونلادا بیزی قویماییر مورگولهیب یئتدی یوخویا گئدیب آرانداندااولاق – یاییلاق دان دا.
یوخسا بیزی اؤزباشیمیزا قویسالار یاتماساقدا اؤزوموزو یوخویا ویریب آییلماق بیلمریک دوزدو بیزیم یوخولولوغوموزلا آییقلیغیمیزین بیر او قدر فرقی یوخدور !!!!!. یئنه سیامک بیگ مین یاشاسین ایلده بیر دؤنه بیزیم چورتوموزو پوزوب فیکره دالدیریر، سوزو اوزالتماغا گلمزبو قیسا یازییا کفایتلنیب ملانصرالدین ژورنالینین باش مدیری جلیلمحمد قلیزادهنین سوزونه سؤیکهنیب یازیمیزا سون نقطهسینی قویوب سوسوروق
“” نهقدر یلزیریقسا
بودونیا دوزلمیرکی دوزلمیر””
حسن بابایی ( عجبشئرلی )
برجسب : | ايميل: news@.ir | شماره پيامک:000 |
|