ادبیات دونیاسی نین شرفلی اوولاد لاریندان بیرده آذربایجانمیزین کوکلو اؤلکه سینده گؤز آچان و غیرتلی یاشایان همیشه حاق یولودا چالیشان و کسگین قلمیله و درین دؤشونجه سیله ایسانلاری معنوی جهتدن ضیالی فیکیرلره یاخشیلیقلارا دعوت ائدن و بیر شاعیر لیک وظیفه سیله جیغیرلی اوْولادلاریندا واخسیز مبارزه آپاران و گلجگلین آیدینلی گؤنلرینین میدینه قالان یالنیزغم دریاسیندا بیر غواص سایاغی اؤزوب گمی سینی ساحیله چاتدیران اینده لیکده اوستاد حمید آرش اؤلوبدور، من بئله دئمکده هدفیم یالنیز حؤرمتلی اوستادیمی تعریف ائتمک دئییل.
حمید آرش عؤمور بؤیو یوخاری سویه ده میللی ایشلره امضا آتماق اوچون ادبیات دؤنگه لرینده بیر معلم حؤکمونده تربیت تاپدیغیلا گوره ائل آرا سیندا ضیالی اینسانلار کیمی شخصیت قازانماغا خاطیر اوره‌کدن جان آتیب. حمید آرشین دؤغروسی ساترا شعرلریله بو طغیانلی زاماندا هانسی دیلیله آراشدیرماق اولار اوستاد حمید آرش بو معنایه گوره اینسانلیق یولوندا باش اوجالیق گتیرن و آجیلیقلاری گؤز اؤنونده گؤرکن دیسگینمه دن ائلینین دردلرینی اؤز دردی بیلیب و تمام اینسانلار آزادلیق یولون گؤسترن اؤلوب او گنج چاغیندان بیر معلم صادق اولاراق طاغوت دؤرونده قولدور محمد رضانین آمانسیز حوکومتیدن باش قالدیران و غلط ایشلرینی هر واخت بیر تنفیدچی اؤلوب او هر زماندا عیب جرگ فیکیرلری و ظالیم لرین ائتده‌گی جنایت لری گؤنده لیک لره یایمانی اؤزونه وظیفه بیلیب، اوستاد حمید آرش یاغیلارین و قان سورانلارین عمللرین آشکارا ائتمک اوچون هر واخت بیر طنز شعر لریله اؤز خالقینا، آنلاتماقا اوچون گئجه و گوندوز چالیشیب، نئجه کی بیر گؤز شعرینده سؤیله ییر
بیز دادمادیق خزر بالیغی آلتمیش ایلده هئچ
سرور لرین یئمه کلرینه خاویار کی وار
یای – قیش دولاندی بیز تازا پالتار گورنمه دیک
پالتار وئره‌ن آغاج، اوغاجا نوبامارکی وار
مسئوولار هئچ نه وئرمه دی اینصاف دگیل دیئه ک
هر گون یاغان یاغیش کیمی وعده شعار کی وار
اوستاد حمید آرش جامعه نین عیب جرگ ایشلرینه قورخمادا ایفشا ائدیب و ائللر آراسیندا اَلدن، اَله دؤلاندیرب و ظالیم لرین ریشه سینی داغیتماق اوچون اوره‌کدن چالیشان اؤلوب. گئچمیش زاماندان بیر مثل وار دئییللر کوکو اولمویان آغاج تیز محو اولار اصلی نسبلی اؤلمویان اینسان بنزه و اوسینیق گمی یه کی سویون آراسیندا چالخالاندیقجا ایتیب باتار گئدر، اوستاد حمید آرش حقیقتا حیات چشمه سینین بوجاغیندان معنالی سو ایچن اؤلوب و درین دؤشونجه سیله محرومیت لری درک ائدیب و ائللرین دردلرینه درمان آختارماق اوچون چتینلیکرده دایانیب.
حمید آرش غیرتلی بیر وطنداش کیمین اؤز آنا یؤردون سئوه‌ن و شهرتله باش قالدیران و یاغیلارین گؤزلرینده بیر زهرلی اُوخ اؤلماغیله و محروم میللت لرین جانلارینا و سرمایه لرینه حیله لر قوران و نقشه لرین عیب لرین اؤزلرینه چکیب و داغیدان اولوب حمید آرش طنز شعریلرینده یارادلیجلیقی قدر اؤزون مددتلر تأنشیلیق آپاران اولسامدا حاقین ادا ائده بیلمیرم نئجه کی او اینفورماسی و سیاسی معلوماتی بئلیگی اؤلماسینی اینانما میشدیم اوستاد حمید آرش ئینه بیر گؤزل شعرینده سؤیله ییر
بیزیم چؤرکچی یه بیر باخ خمیرده اسراف ائدیر
مایا لاپ آز قاتیری آنجاق فطره اسراف ائدیر
قناعت اهلی دکیک آلدی لاپ یاریم مثقال
بو کارمنده باخین کی پنیرده اسراف ائدیر
بئش آلتی یوزده شاگرد اؤن معلمیه نه گره‌ک
بیزیم بو مدرسه لر چوخ دبیرده اسراف ائدیر
اوستاد حمید آرش دؤغرسی بیر شاعیر اولاراق بؤیوک دؤشونجه‌لر آپاریب و کولتوغون قانماغیله ادبیاتین پایه لرین یاراشیقلی دؤغما دیلیله یازیب و بو عصریده بیر صابر و معجوز سایاغی ائل دردین دئمگیله ائل آراسیندا بؤیوک اینفتخاری اوسببدن بو دورکی حیاتین وطن یولونده خالق یولوندا پای وئرمه سینی اَن بؤیوک وظیفه بؤلوب و شرفلی یاشاماغی بیر خادم کیمی ائللرینه گؤستریب و سئوگیدن گؤزل دوستلار قازانیب، و منده او جهتدن بو گؤزل اوستادیمیزین روحونا بؤیوک آللاهدان رحمت دییب و گؤزل اثرلرین قالارجی آرزو ائدیرم پس ایندسه بنده بیر کئچیک طلبه اولاراق عزیز اوستادین حاقینده بیر قوشما شعریله اورک سؤزلریمی سونا چاتدیرام.
ازلدن خالیقیوی درین دؤشونوب
دالغایدین قووشدون عو ممانا گتدین
آیدین گؤزلریله باخمیسان آرش
یؤلچوردون قارشیدون کروانا گتدین
یالنغیلی کؤوشنه اؤلماسان بولاق
آزادلیق دیلله دین گومانا گتدین
یوکسه دن شرها شر آخمیسان آرش
عدالت مشعلین چاخمیسان آرش
پوز موسان کوکوندن ظالیم یاغینی
چاتدی قولاغلارا دادی فغانین
چکیبسن کؤنلونه حسرت داغینی
دئدین کی ائل دردین اوره‌کدن قانین
خالقیوه خور باخان ساقتین یاغینی
گؤزلری قان یاشلی دکسگین، بالانین
یاندیریب کؤل ائدیب یاخمیسان آرش
یولوندا سیناقدان چیخمسیان آرش
اوکسگین سیلاحسین اُدولر قلمین
یوکسه لیب اؤلکه‌ده اؤلوب علمین
بیر عؤمور قان ایچن ظلمی ائده نین
مشلیقله ائوینی ییخمسان آرش
حورمتله جواد نعلبندی «کسگین» یاین ۲۳/۴/۹۵