بهشته گئتماغا حتماً کلید بابی اولار
گزنده قولتوغونون آلتدا بیر کتابی اولار
اوتوز بش ایلدی تانیردیم حمید آرشی من
نکیری منکری ده گولدوروب جوابی اولار
یوخوم دا گوردوم ائدیردی بیر آز گلایه دئدیم
بهشته گئتماغین آخیر بیر آز عذابی اولار
دییردی غیر اونا چوخ چتین بهشته گئدر
گناهی تکجه اودور گیزلی جه ثوابی اولار
گلرسه خیام اونا بیر گئجه بهشته قوناق
بئله خیال ائله ییر آرش ین شرابی اولار
دییرله شعر یازیر اوردا گونده نئچه واراق
اولاری ییغماغا جنته بیر دیلابی اولار
بهشته نقد ائلسه چوخ چتین اقامت آلار
او انتقادلرین آردیجا عتابی اولار
قوراللا محکمه سینی تئز دیلله چیخ بورادان
او حاضر اولماسا حکمی یقین غیابی اولار
کماندان اوخ آتیلاندان سورا گئری گلمز
اولارسا باشه بلادیل بول اضطرابی اولار
یارالدیب اینسانا خالق جهنم ایله بهشت
جهاندا بیر بیرینی سئوسه انتخابی اولار
اورهکدن ایسته ییرم تانری روحو شادائده
ادب محافیلین شمعی، آفتابی اولار
او طنز شعرده عالم ده ماندگار اولاجاق
وئرللمه نئچه نفر شاعره کی با بی اولار
«مسعود شریعتی» ۳۱/۴/۱۳۹۵
برجسب : | ايميل: news@.ir | شماره پيامک:000 |
|