«حمید آرش آزاد» ادبیات ساحسینده بویوک و پارلاق بیر اینجیدی، انون دویوپ، دوشونوپ و یازدیغی شعر لر و اثر لر بئله چوخلو اینسان لارین دوشونجه سین ده ن خاریج ایدیر. دوردان‌داکی او بیر بویوک اوستاد وگوررلی بیر گوزه صاحیبی دیر.
حمید آرش آزاد چوخلی جهالت ده یاتمیش اینسان لاری اوز سوزلری و اثر لریله قالدیریپ و دوشوندوروپ دور. او هر زمان اوز کسگین قلمیله نادان‌ لیق و جهالت لیق اوستونه مبارزه آپاریب و هر زمان آزادلیقا و دوشونمکه گئدن یولدا اونده گئدن لرده ن اولوپ.
افسوس کی ایندی بو ده ییرلی اینسان آرامیزدا نئچه ایلدیکی آیرلیب و سون منزیلینه کوچوب، اما بونا باخمایاراق هلده «حمید آرش‌ آزاد» ین آدی سانی دیل لرده و نشریات لاردا گئدیر و هلده اونون اثر لری اینسان لیق اوزونه نور ساچیر، بیز اینانیریق کی زامان نقده ر اوتسده «حمید آرش آزاد» بیر اوقده‌ر داها دا یوکسلیب و خاطیر لاناجاق دیر، و بو ده‌یرلی صنعتکار همیشه قدیر بیلن خالقی میزین یاداشیندا قالاجاقدیر.
آدی قالار و یولو گئدر لی اولسون
سایقیلار لا: « آیدین هاشم‌نژاد» (داغتکین)

قلم قویمادی
من سیلینیپ، چیخاردیم یاد دان،
باشینا دون دویوم، قلم قویمادی
زامان لا یوولوپ، گئدردیم یاد دان،
باشینا دون دویوم قلم قویمادی.

خزل تک سارالیب، سولاردیم
غم دریاسینا، آخیب، دولاردیم
من بو دونیا ده، یالقیز اولاردیم
باشینا دون دویوم، قلم قویمادی.

بویا چاتدیم، داغلار قوی نوندا
یوولوپ، سیلیندیم، چای لار قوی نوندا
یقین اونودلاردیم، چاغ لار قوی نوندا
باشینا دون دویوم، قلم قویمادی.
«آیدین هاشم نژاد» (داغتکین)