من جهان دان گئدر اولسام گئنه نامیم قالاجاق—–حق سئور دیللر آغیزلاردا کلامیم قالاجاق
دفتریم مئی جامی تک عالمی سرمست ائله میش—– هله ده قاینا یاجاق مئی، هله جامیم قالاجاق
هر ایل قوجاشرقین یازیچیسی استاد حمید آرش آزادان سئوز دوشنده گوزلریم یاشادولور،
آیین بیرینده جیب تلفونونا بیر پیام گلدی اوخودوقدا بئلی اولدو استاد حمید آرش آزادین آلتنجی ایل دونومو مناسبته بیر ویژه نامه حاضرلانمالیدیر. اینان آللاها گوُزوم تلفونداسیاهیلارا دوشن تک. آرشین اولوم دنیاسین دگیشمه گوُنوذهنیمده بیر داها تازالاندی. هشتاد دوقوزونجی ایلین بئشینجی آیین بشی آلتی سیندا. هفته اوچوشهریمیزین حورمتلی و ضیالی دایشمندلری، ژورنالیست لری، ادبیات چیلاری و یازیچیلاری. ‌هاکازا آذربایجان شرقی نین بله دییه اداره سینین و ارشاد اسلامی اداره سینین. و سایره اداره لرین. اورگانلارین رئیس لری، خصوصا تهرانان، آذربایجان غربیدن گلن ضیالی دانشمندلر و سایری اداره مسئولاری، شهریمیزین آناقلی اصناف بازاریلری، داشجولاری و آیری شخصییتلر. که تک به تک آد آپارسام سوز اوزونا چکر، استادین پاک مطهر پیکرین بیوک طنطنه ایله تبریزین وادی رحمت هنرمندان قطعه سینده تورپاغا باسدیردیلار. تا اینکه روحی زندانان آزاد اولسون و جسمی آرامش تاپسین. حتی میت نامازیندا اولان آغ سقالار، آغ بیر چک قادینلارین حضوری بو کیشی نین اوره کلرده اولدوغو ایستکی گوستریردی. هامینیز بیلیر سیز یازیچیلار، ادبیات چیلار، دانشمندلر، شاعر لر، ژورنالیست لر بو بویوک عالمین اینسانلیغی و اوره گینده اولان وطن محبتینی کُونوللره یایان، عومور بویو وطنداش موجاهیدو موباریز عومورو و ان واجیبی ایسه ویجدانین شرف و لیاقتین کئشیگینده دوران عسکرین باره سینده گئچن بئش ایلده آنادان اولماسیندا دوتوب. نجور یاشایش ائیله ییب عومورون باشاوئریب. دونه دونه یازیبلار، البته هامیسی ائزیئرینده ارزشلی و قیمتلی دیر. نقدر یازیلسا گئنه آزدی، نه تکجه حمید آرش آزاد بلکه گرکلیدیر و ان واجب اولان بورجوموزدی. بوتون ادبیات چیلاردان، شاعیرلردن، دانشمندلریمیزدن بونان آرتیق دئیر وئریب و قویمایاق یاددان چیخسین. من ایسه دئمک ایستریم کی استاد حمید آرش آزادی. اوشئی کی آیری یازیچیلاردان شاعیرلردن فرق لندریب، بو اندازه ده اوره کلرده یئر آچیب جماعت نئچه ایل اولوموندن سونرا هر ایل اولوم گونون یاداسالیب اوره کدن کدرله نیر. بو مسئلیه سبب نه اولار بولر. بونون علتی قایدیر اینسانین ایله دیگی وسوردو گو یاشایشا. و ائلینه گوستردیگی حورمته. آرش آزاد عومور بویو آزادیاشادی. بو دنیانین مالینا، پست مقامینا گوره بیر نفره تزویر ایچون یالاندان به به – چه چه دئمدی حق دانشدی. حقه طرفدار الدو. آرش همیشه ائله خاطیر ایچینده شعله چکن اودو. قلمیله جامعنین دردین طنز فکاهیله یاتانلاری آیدماق فکرینده اولوب. اوره کده داغ یئکه لیکده غم غصه سی اولان انسان هر کسله قارشیلاشیب دوداقدا گولوش دیلینده شیرین سوز واریدی. بیز مسلمانلارین قرآن کتابیندا یازیلان آیه‌یه گوُره دنیاده انسانلاردان قالان باقیات الصالحات دی که هر کس بو دونیادا قویوب گئدر. و بنلارین ان بیوک اولانی و گوزه گه لنی اینسان بویودیگی تمشیت وئردیگی بویاباشا یئتردیگی اولادی اولابولر. استاد حمید آرش آزادین ادبیات ساحه سینده کتاب یازماقدا یا نئچه ایشلر عومور بویو اوزوندن آثار قویوب و دنیا بویو قالارقیدی. اونلارین هامسیندان اول بیر ضیالی یازیچه ادبلی اولاد قویوب گئدیب. هامیز بیلیر سیز که اولاد آتانین آدین اوجالدار. هاکازا آتانین آدین باتیرار من ضمن بوکی حمید آرش آزادا اولو تانریدان رحمت دیله ییرم. اونون اوغلو سیامک جنابلارا پروردگار مهربانان اوزون عومور جان سالغی دیله ییرو روحی شاد یولی دواملی
بو یازی منیم طرفیمنن اتحاف اولسون حمید آرش آزادین پاک روحونا
محمد علی معصومی ۱۲/۴/۹۵