آرش جان
آرش جان
جاندان آیریلدی جان آرش جان
الامان الامان آرش جان
دوستلاری فرقته دچار ائتدین
عرشه چاتدی فغان آرش جان
وار سنه احتیاجی جامعهنین
گئتمه بیرآز دایان آرش جان
آیریلیق اودو وروبلا یاندیراجاق
اورک اولماقدا قان آرش جان
سنه تای بیبدیل بیر طناز
دوغا بیلمز زمان آرش جان
ملتی آشکار گولدوردون
اوز غمین چوخ نهان آرش جان
درد و غم اولدو سنه ال به یاخا
وصفه قاصر بیان آرش جان
گؤر نئجه قاره گئیمیش ایفالی
هم سهند ساوالان آرش جان
دنیانین ایرانین دماوندین
باشین آلدی دومان آرش جان
سوگوارَ یاسه باتدی مطبوعات
هم قلم هم یازان آرش جان
آرش اولمازسا کیم یازار سویله
طنزی ساده روان آرش جان
سن اؤزون تکجه هیئت تحریر
فعل و کارین عیان آرش جان
لاجرم بو مکانی ترک ائتدین
اولموسان لامکان آرش جان
ایندی تزویر و زور راحتدی
خلق گوردو زیان آرش جان
آرش آزاد اؤلمهییب اؤلمز
تا دورور بو جهان آرش جان
سخایا عمرانا سلام آپار
یالقیز و میرزادان آرش جان
۲۵/۵/۸۹
حسین شهرک میرزا
برجسب : | ايميل: news@.ir | شماره پيامک:000 |
|